Yevropada koronavirusning lyambda-shtammi tarqaldi

Buyuk Britaniyada koronavirusning lyambda-shtammini yuqtirish holatlari qayd etildi. Bu haqda Express gazetasi Angliya jamoat sog‘liqni saqlash agentligiga tayanib xabar berdi.

Mutatsiya dastlab Peru, Chili, Ekvador va Argentinada aniqlangandi.  

Mutaxassislarning so‘zlariga ko‘ra, uning simptomlari ham yuqori harorat, tinimsiz yo‘talish, hid va ta'm bilishning yo‘qolishidir.

Iyun oxirlarida koronavirusning lyambda-shtammi Braziliyada aniqlangandi. 

JSST ma'lumotiga ko‘ra, lyambda-shtammi virusning yuqumlilik xususiyatini oshiruvchi yoki uning antitanalarga chidamliligini kuchaytiruvchi mutatsiyaga ega, ammo yangi shtamm to‘g‘risidagi ma'lumotlar hozircha yetarli emas.