2021 йил 1 июл куни Тошкент шаҳрида “Европа иттифоқи – Марказий Осиё” сиёсат ва хавфсизлик масалалари бўйича юқори даражадаги мулоқотнинг навбатдаги йиғилиши бўлиб ўтади.
Ўзбекистон Ташқи ишлар вазирлиги хабарига кўра, тадбирда Марказий Осиё мамлакатлари ва Афғонистон ташқи ишлар маҳкамалари раҳбарларининг ўринбосарлари ҳамда Европа ташқи фаолият хизмати бош котиби ўринбосари иштирок этиши кутилмоқда.
Йиғилиш қатнашчилари Европа иттифоқи ва Марказий Осиё ўртасидаги ҳамкорликнинг бугунги ҳолати ва истиқболларини муҳокама қилади.
Шунингдек, ташқи сиёсат соҳасидаги умумий таҳдидлар ва хавф-хатарлар кўриб чиқилади.
