Isroil yuk kemasi Fors ko‘rfazida raketa zarbasiga uchradi

Arabiston yarimoroli yaqinida Isroilning yuk kemasi raketalar bilan o‘qqa tutildi. Hujum oqibatida kema ekipajiga zarar yetmagan. Bu haqda Reuters axborot agentligi xabar berdi.

Ta'kidlanishicha, qisman Isroilga tegishli yuk kemasi Saudiya Arabistonining Jidda shahridan BAAga yo‘l olayoganda hujumga uchragan. Ayni vaqtda Isroil mudofaa vazirligi ushbu hujum ortida Eron kuchlari turgani yoki yo‘qligini tekshirmoqda.    

“Ekipajga shikast yetmagan, kemaning o‘ziga esa raketa tekkan, biroq unga jiddiy zarar yetmagan va u voqeadan keyin yo‘lini davom ettirgan”, deb ma'lum qilingan xabarda.

Kema o‘z yo‘nalishining qaysi nuqtasida hujumga uchragani ma'lum qilinmagan.

Kemalar harakatlanishi ortidan kuzatuvchi tizim ma'lumotlariga ko‘ra, konteynerovoz Liberiya bayrog‘i ostida suzgan. U oxirgi marta Jiddada to‘xtagan, hozirda esa Dubay yaqinida qolmoqda.