Qashqadaryoda 2021 yilning birinchi yarmida 10 mingdan oshiq qarzdor shaxsning xorijga chiqishiga taqiq qo‘yilgan

Qashqadaryo viloyatida 2021 yilning birinchi yarmida 10 mingdan oshiq qarzdor fuqaroning xorijga chiqishiga taqiq qo‘yilgan. Bu haqda MIB viloyat boshqarmasi axborot xizmati xabar bermoqda.

Majburiy ijro byurosi Qashqadaryo viloyat boshqarmasining Qidiruv shu'basi tomonidan o‘tgan 6 oy davomida amalga oshirilgan ishlar tahlilini e'lon qildi. Unga ko‘ra viloyatda:

• 10 728 nafar qarzdor fuqaroning mamlakat hududidan chetga chiqish huquqlari vaqtincha cheklangan;
• Qidiruvga berilgan 441 nafar qarzdor fuqarodan (shundan 437 tasi aliment bo‘yicha) 202 tasi topilgan;
• qidiruv natijasida topilgan fuqarolardan 319 million 200 ming so‘m qarzdorliklar undirilgan;
• 266 ta qidiruvga berilgan avtomototransport vositalaridan 175 tasi topilgan;
• Avtomototransport vositalarining topilishi natijasida 17 milliard 702 million so‘m qarzdorliklar undirilgan.