Surxondaryo viloyati Denov tumanida Malibu mashinasini olib beraman, deb fuqaroning pulini o‘zlashtirgan shaxsga jinoiy ish qo‘zg‘atilgan. Bu haqda viloyat IIB xabar bermoqda.
Ma'lum qilinishicha, 2021 yilning 3 iyun kuni, Qumqo‘rg‘on tumani Oqsoy mahallasida yashovchi, Y.Muhayyo Denov tumani IIBga ariza bilan murojaat qilgan. U murojaatida 2021 yil 25 may kuni Denov tumani Sanoatchilik mahallasida yashovchi, E.O‘tkir uning ishonchiga kirib, Malibu mashinasini olib berishini aytib, 362 million so‘m pulni olib, o‘zlashtirib ketganini bildirgan.
Qayd etilishicha, 2 iyul kuni Denov tumani IIB tomonidan E.O‘tkirga nisbatan Jinoyat kodeksining 168-moddasi 4-qismi «a» bandi bilan jinoyat ishi qo‘zg‘atilgan.
