Chimboy tumanida «Xan» jome masjidi foydalanishga topshirildi. Bu haqda tuman hokimligi axborot xizmati xabar bermoqda.
Ma'lum qilinishicha, masjid 1000 nafar odamga mo‘ljallangan. Shuningdek, Taxtako‘pir tumanida Ayimbet Eshon masjidi ham qurib bitkazildi. Masjidda bugun birinchi marta Juma namozi o‘qiladi.
Shu bilan birga, Nukus tumanidagi "Qirantav" OFY hududida «Imamatdin Eshon» masjidi yangidan bunyod etilmoqda. Masjid 700 namozxonga mo‘ljallangan. Qurilish ishlari «Sho‘rtanbay» mahallasi ahli va mahalliy homiylar mablag‘lari evaziga boshlangan. Hozirda masjidga g‘isht terish ishlari olib borilmoqda. «Imamatdin Eshon» masjidining avvalgi binosi 120 o‘ringa mo‘ljallangan edi.
Eslatib o‘tamiz, bundan oldin Nukus shahrining «Samanbay» MFY hududida 120 nafar namozxonga mo‘ljallangan masjid qurilayotgani haqida xabar bergandik.
