Ma'lum qilinishicha, O‘zbekiston va Tojikiston chegarasining Urgut tumani hududida joylashgan «Jartepa» chegara bojxona posti orqali yurtimizga kirib kelgan xorij fuqarosi S.B. «yashil» yo‘lak orqali bojxona nazorati zonasidan harakatlanayotganda, uning qo‘l sumkasi bojxonachilarda shubha uyg‘otgan.
Shu sababli, S.B.ga tegishli bo‘lgan qo‘l sumkasi xolislar ishtirokida ko‘zdan kechirilgan.
Qayd etilishicha, tekshirish jarayonida S.B. bojxona nazoratidan o‘tish paytida og‘zaki so‘rovlarda ma'lum qilmagan, hamda yo‘lovchi bojxona deklaratsiyasida ko‘rsatilmagan ko‘p miqdordagi «Tramadol» giyohvandlik vositasini olib kirmoqchi ekani aniqlangan.
Ta'kidlanishicha, hozirda holat yuzasidan Jinoyat Kodeksining tegishli moddasi bilan jinoyat ishi qo‘zg‘atilib, tergov harakatlari davom etmoqda.
