Muhammadkarim Xurramov dastlabki bosqichda irlandiyalik Benjamin Fletcherga qarshi kurashdi. Unda Muhammadkarim vazari bahosi bilan g‘alaba qozonib, keyingi bosqichga yo‘l oldi.
1/8 finalda Xurramov yaponiyalik Aron Volfga qarshi tatamiga chiqdi. Ammo jahon chempioni hisoblangan yaponiyalik sportchi ippon bahosi bilan o‘zbekistonlik sportchini yengdi va Xurramov yakkalik bahslaridagi ishtirokini yakunladi.
Endilikda dzyudo jamoasida bir vakil qoldi - +100 kg vazn toifasi vakili Bekmurod Oltiboyev 30 iyul kuni mo‘g‘ulistonlik Durenbayar Ulzibayarga qarshi kurash bilan o‘z ishtirokini boshlaydi.
