14:30 / 02.08.2021
1680

Qibray tumanida qalbaki hujjatlar orqali o‘zganing uyini sotmoqchi bo‘lgan firibgarlar aniqlandi

Toshkent viloyati Qibray tumanida qalbaki kadastr hujjatlarini tayyorlash orqali o‘zganing uyini sotmoqchi bo‘lgan firibgarlar aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.

Bosh prokuratura huzuridagi Departamentning Qibray tuman bo‘limi tomonidan o‘tkazilgan tergovga qadar tekshiruvda, fuqaro F.U. va boshqalar oldindan til biriktirib, tuman hududida joylashgan fuqaro N.E.ga tegishli uy ancha vaqt davomida qarovsiz qolganligidan va hech kim yashamayotganligidan foydalanib, F.U.ni otasining nomiga qalbaki kadastr hujjatlarini tayyorlashib, 180 ming AQSh dollariga sotmoqchi bo‘lganliklari aniqlangan.

«Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda», deyiladi xabarda.

Top