Birlashgan Arab Amirliklari hukumati uch yoshdan 17 yoshgacha bo‘lganlarni Xitoyning Sinopharm kompaniyasi vaksinasi bilan emlashga ruxsat berdi. Bu haqda Emirates News Agency xabar qildi.
Qayd etilishicha, klinik sinovlar va mutaxassislarning baholari asosida ushbu qaror qabul qilingan.
Reuters agentligining yozishicha, iyunda 900 nafar bolada vaksinaga immun javob monitoringi o‘tkazilgan.
Sinopharm vaksinasi sinovida esa Abu-Dabidagi hukmdor oila a'zolari qatnashgan.
BAA aholini koronavirusga qarshi emlash bo‘yicha eng yuqori ko‘rsatkichga ega davlatlardan biri bo‘lib, 1 avgust holatiga ko‘ra, aholining 70 foizdan ortig‘i to‘liq emlangan.
