May oyida 61 yoshga to‘lgan Gorski kelgusida ijrochilik vazifalariga ega direktorlar kengashi rahbari lavozimini egallaydi.
Gorski Johnson & Johnson’ga 9 yil rahbarlik qilgan. U bosh direktor lavozimidan ketishi haqidagi bayonotida endilikda e'tiborini oilaviy ishlarga qaratmoqchiligini ma'lum qilgan.
Kompaniya Gorskining rahbarligi vaqtida ishlab chiqaradigan mahsulotlari turini ko‘paytirgan va o‘z moliyaviy holatini mustahkamlagan. Hozirda kompaniya dori-darmondan tortib kontakt linzalar va gigiyena vositalarigacha bo‘lgan turli-tuman mahsulotlarni ishlab chiqaradi.
Kompaniyaning 2021 yil 2-choragidagi savdolari hajmi 27 foizga oshib, 23,3 mlrd dollarga yetgan. Uning kapitallashuvi hozirda 470 mlrd dollardan ko‘proqni tashkil qilmoqda.
Shu bilan birga, Gorski rahbarligi vaqtiga kompaniyaga qarshi bir nechta uzoq davom etgan tortishuvlar to‘g‘ri kelgan. Shu yil iyul oxirida kompaniya “opiod epidemiyasi” ishi bo‘yicha 5 mlrd dollar kompensatsiya to‘lashga rozi bo‘lgan.
