Britaniya dori vositalari va tibbiy preparatlar bo‘yicha regulyatori Johnson & Johnson kompaniyasining koronavirusga qarshi bir dozalik vaksinasini ma'qulladi. Bu haqda The Guardian xabar berdi.
Tadqiqotlarda tasdiqlanishicha, mazkur vaksinaning koronavirus yuqtirishning oldini olishdagi samaradorligi 67 foizni tashkil etadi.
Buyuk Britaniya 20 mln doza Johnson & Johnson vaksinasiga buyurtma bergan. Vaksinani yetkazib berish yoz o‘rtalaridan boshlanishi kutilmoqda.
Mamlakatda hozirga qadar Pfizer, AstraZeneca va Moderna vaksinalari ma'qullangan.
