15:42 / 06.09.2021
682
Самарқанд шаҳридаги кўп қаватли уйлардан бирида ёнғин содир бўлди

Самарқанд шаҳридаги кўп қаватли уйлардан бирида жойлашган хонадонда ёнғин содир бўлган. Бу ҳақда Фавқулодда вазиятлар вазирлиги ахборот хизмати хабар бермоқда.

Маълум қилинишича, бугун, 6 сентябр куни соат 13:36да вилоят Фавқулодда вазиятлар бошқармасига Самарқанд шаҳар Сартепа мавзесидаги 1-сонли кўп қаватли уйнинг 70-хонадонида ёнғин содир бўлаётгани тўғрисида хабар келиб тушган.

Шундан сўнг вилоят ФВБнинг 3 та ёнғин-қутқарув бўлинмаси воқеа жойига соат 13:46да етиб борган. Соат 14:25да ёнғин ўраб олинган, соат 14:41да у тўлиқ бартараф этилган. Қутқарувчиларнинг тезкор ҳаракатлари натижасида ёнғин қўшни хонадонларга тарқалиб кетиши олди олинган.

Қайд этилишича, ёнғин оқибатида хонадоннинг 35 метр квадрат майдони зарарланган. Таъкидланишича, ҳодисада ҳеч ким жабрланмаган ва ҳалок бўлмаган. Ҳозирда ёнғин келиб чиқиш сабаби ва етказилган зарар миқдори аниқланмоқда.

Top