Qarşi bozorida qurilgan supermarket va 20 yillik avtoşohbekat mojarosi: tadbirkor prokuraturadan norozi
|15:14 / 21.09.202119 26412 min
Qarşilik Ismoil Panjiyev töqnaş kelgan muammolar Kun.uz saytida uç yildan buyon yoritib kelinadi. Qarşi şahar hokimining ğalati qarorlari, prokuratura bu işlarga panja orasidan qarayotgani işni respublika darajasida örganiş kerakligini taqozo etmoqda.
2000-yillar boşida şahar çetidagi, yantoqzor va öydim-çuqur taşlandiq joyni obod qilib, avtoşohbekat qurib faoliyat körsatib kelayotgan tadbirkorning boşqalarga berib yuborilgan öz yerini qaytarib olişiga prokuratura astoydil qarşilik körsatmoqda. Murojaatçiga köra, prokuratura organlari davlat manfaatlarini emas, xususiy firma manfaatlarini himoya qilmoqda.
Sudma-sud qatnab çarçagan, «Asilbek Sayyora» savdo işlab çiqariş korxonasiga rahbarlik qilib kelayotgan Ismoil Panjiyev şunday hikoya qiladi:
«Şu hududni öşa vaqtdagi şahar hokimi 2000 yilda istamasam ham, majburlab menga bergan edi. Taşlandiq, öydim-çuqur joylar edi. 6 metrlik kotlovan bor edi. Kamaz-kamaz tuproq va şağal bilan töldirib, tekislab maydon qildim, avtoşohbekat barpo etdim.
Yonimizdagi Yerqörğon dehqon bozori ham keyinçalik, 2001 yilda qurildi. Şu bozorning oyoqqa turişida ham özim boş-qoş bölganman. Odamlarni çaqirganman. Bozordan 20 million sömlik aksiyalarim ham bor.
Bugungi kunga kelib bu hudud yiriklaşdi, rivojlandi, serdaromad joylarga aylandi. Endi men bir paytlar epaqaga keltirgan, keyinçalik obod qilgan, odamlarni iş bilan ta'minlab turgan joyimga köz olaytirib, tortib olişga urinişmoqda».
Tilla bahosiga tenglaşgan yer
Ismoil aka qanaqa muammoga duç kelganini lönda qilib, bu işlar ortida kimlar turgani va qanday manfaatlar yotganini tuşuntirişga harakat qilamiz.
Aslida ham, mömay daromad keltirişi mumkin bölgan hududdagi 1 gektardan ziyod yer maydoni ançadan buyon Qarşi şahri hokimligi mulozimlarining tuşlariga kirib, oromini öğirlab kelmoqda.
Töğri-da, sotixi bugungi kunga kelib tilla narxida bölgan 1 gektar yer maydoniga «yuqori»da taniş-bilişi va odil suddan boşqa ilinji yöq allaqanday Ismoil Panjiyevdek kiçik tadbirkorning bir özi egalik qilişi adolatdanmi? Albatta, bu hol bilan aslo kelişib bölmaydi! Şu sababli 2003 yildan beri bu yerni undan tortib olişga urinmagan Qarşi şahar hokimining özi yöq.
Mavzuga oid
Ismoil Panjiyev esa sabot bilan sudlarda qatnaşib, öz mulkini himoya qilaverib, professional bölib ketgan. Ammo bugunga kelib uning vajlariga na sud, na prokuratura, na şahar hokimligi quloq tutmoqda. Sabab kundek ravşan: endilikda yerning bahosi nihoyatda qimmat! Qimmat narsa uçun risk qilinsa yaraşaveradi.
Biz keyingi yillarda turli viloyatlar ma'muriy, fuqarolik va iqtisodiy sudlarida uzoqdan uzoq vaqt körilgan sud majlislari va çiqarilgan qarorga töxtalib ötirmaymiz.
Yerqörğon bozorida prezident qaroriga zid qurilgan savdo majmuasi
Özbekiston Respublikasi prezidentining 2017 yil 23 martdagi «2017–2019 yillar davrida dehqon bozorlarini rekonstruksiya qiliş va ularning hududida zamonaviy savdo majmualari quriş dasturini tasdiqlaş töğrisida»gi PQ-2853-sonli qaroriga muvofiq, Yerqörğon dehqon bozori hududida ham III tipdagi savdo majmuasi (bir qavatli supermarket, 1441,5 kv.m joyda) qurilişi belgilanadi.
Şu qarorning 17-bandida, 2017 yil 1 apreldan boşlab joriy etiladigan tartibga muvofiq, dehqon bozorlariga tutaş hududlarda joylaşgan avtotransport vositalarini vaqtinça saqlaş joylari uşbu dehqon bozorlari tarkibiga ötkazilişi va keyinçalik ular faoliyatidan tuşgan pul tuşumlari dehqon bozorlarining soliq solinadigan daromadlari tarkibiga kiritilişi hamda uşbu mablağlarning 50 foizi mahalliy budjetlarga yönaltirilişi belgilangan.
Qarşi şahrining öşa vaqtdagi hokimi Jamşid Fozilov imzosi bilan avval «Asilbek Ziyoda» SIÇK tasarrufida bölgan 0.8 ga yer maydonidagi avtomobillar töxtaş joyi «Yerqörğon dehqon (oziq-ovqat) bozori» AJ tasarrufiga ötkaziladi. Şu kunning özida bozor ixtiyoridan şahar hokimligi zaxirasiga qaytariladi va u maydonga III tipdagi supermarket quriş uçun «NBU Bunyodkor invest» MÇJga egalik huquqi bilan çiqarib beriladi.
Holbuki, prezident qarorida III tipdagi, bir qavatli supermarket quriş uçun majmuasi 1441,5 kv.m yer maydoni ajratilişi belgilangan. Lekin şunga qaramasdan, «NBU Bunyodkor invest» MÇJ bozor hududida sendviç panellardan bir qavatli supermarket örniga temirbeton qurilmalardan ikki qavatli supermarket quradi. Boz ustiga, 1441,5 metr kvadrat örniga 1,67 gektar yerni öziniki qilib oladi.
Şunisi qiziqki, Qarşi şahar hokimining «NBU Bunyodkor invest» MÇJga egalik huquqini beruvçi bir kunda bir raqam ostida ikki xil qarori mavjud. Birida 1441,5 kvadrat metr yer ajratilişi körsatilgan bölsa-da, ikkinçisida 1,67 gektar!!!
Jinoyatligi şundoq körinib turgan holat ustidan sudda xususiy ajrim çiqarilgan bölsa-da, qarşilik prokurorlar işni jinoyat alomatlari yöq, deya yopti-yopti qilib yuborişadi.
Aslida Qarşi şahrining sobiq hokimi Jamşid Fozilovning 14 sotix yer ajratiş haqidagi qarori prezident qaroriga mos bölsa-da, keyingi hujjatlar aslida noqonuniy bölgan yer maydoni 1,67 gektarga özgartirilgan qarorga muvofiq tayyorlanadi (bu yer maydonining 80 sotixi «Asilbek Ziyoda» SIÇKga, 87 sotixi Yerqörğon dehqon bozoriga tegişli).
Endi muşohada qiling: bozorlardagi 51 foizlik uluşi yuzasidan hokimliklar pul mablaği bilan kirişmaydi. Ular 51 foiz uluşini yer maydoni bilan şakllantiradi. Bozor uluşdorlarining ruxsatisiz 87 sotix u yoqda tursin, 14 sotix joyni ham birgina qaror bilan berib yuboriş qonunga zid. Çunki 14 sotix yer kamaysa, avtomatik ravişda mahalliy hokimlikning 51 foizlik uluşi ham kamayadi. Bu esa amaldagi qonunçilikka töğri kelmaydi. Bozorning yeri rezinka emas-ku, u yoğidan qayçilansa ham, bu yoğidan kesib olinsa ham 51 foiz uluşni tamsil etib turgani?!
Ustiga ustak, prezident qarorida 51 foiz davlat uluşi saqlab qolinişi belgilab qöyilgan bölsa-da, supermarket uni qurgan «NBU Bunyodkor invest» MÇJ tomonidan auksionga çiqariladi va supermarketni «GRAND SEVINCH GROUP» MÇJga 5 mlrd söm evaziga xarid qiladi.
Auksionga albatta, supermarket binosi bilan birga «Asilbek Ziyoda» SIÇKga tegişli 80 sotix va Yerqörğon dehqon bozoriga tegişli 87 sotix yer maydoni ham qöşib tikiladi.
Tabiiyki, Ismoil Panjiyev rahbar bölgan «Asilbek Ziyoda» SIÇK yer maydoni uçun supermarketni xarid qilgan yangi korxona bilan sudlaşişga majbur bölgan. Muborak tuman ma'muriy sudi Qarşi tuman hokimining törtta qarorini bekor qiladi.
Iqtisodiy sudda auksion ham bekor qilinadi. Hal qiluv qarori ijroga qaratiladi. Lekin oradan bir yil ötsa-da, ijro harakatlari amalga oşirilmagan.
Prokuratura savodsizmi yoki manfaatdor?
Sudlarda u ğolib çiqqaç, sudlar «GRAND SEVINCH GROUP» MÇJning sudga da'vo arizasi kiritişga yöli qolmaydi va garçi davlat va jamoat manfaatlarini közlaşi kerak bölsa-da, örtaga prokuratura aralaşa boşlaydi va özini özi himoya qila oladigan qudratli tijorat taşkiloti manfaatini közlab, sudga ariza bilan murojaat qilmoqda.
Fuqarolik protsessual kodeksining 50-moddasida sud protsessida prokurorning iştiroki belgilab qöyilgan. Unga köra, agar fuqaro soğliğining holati, yoşi yoki boşqa sabablarga köra sudda öz huquqlari, erkinliklari va qonuniy manfaatlarini şaxsan himoya qiliş imkoniyatiga ega bölmasa, prokuror fuqaroning buzilgan huquqlari, erkinliklari va qonuniy manfaatlarini himoya qiliş uçun ariza bilan sudga murojaat etiş huquqiga ega.
Ammo, yaxşigina advokatlarga ega «GRAND SEVINCH GROUP» MÇJ baquvvat taşkilot bölsa-da, davlat manfaatlarini közlab berilgan arizadan söng sudda «GRAND SEVINCH GROUP» MÇJ manfaatlari himoya qilinmoqda. Ya'ni, ikki xususiy taşkilot örtasidagi mojaroda prokuratura ulardan biriga "advokatlik" qilmoqda.
Örtadan «lop» etib 619-sonli «bomba» çiqib qoldi-yu!
Va bu qoğoz qaşqadaryolik sudyalar va prokurorlar uçun najot fariştasining özi böldi. Eng qiziği, bunday qaror borligidan na şahar prokuraturasi, na şahar hokimiyatining xabari bölgan. 9 yil avval çiqarilgan va heç kimning xabari bölmagan qarorni arxivdan Ismoil Panjiyevning özi yaqinda topib, sudga taqdim etgan... Va öz böyniga «sirtmoq» taşlagan.
Bu qanday qaror ekanki, sirtmoqqa mengzalmoqda? Aslida bu hujjatning ham şahar hokimligining yerni tortib olişga bölgan avvalgi qarorlaridan farqi yöq. 2012 yil 2 avgustda şahar prokurori şahar hokimining qaroriga köra I.Panjiyevga Yerqörğon bozoriga tutaş hududdan 1,28 ga, «Asilbek Ziyoda» SIÇK binolari ostidagi 1050 kv.m yer maydonlari noqonuniy berilgani, yer maydonlari Yerqörğon dehqon bozoriga qaytarilişi yuzasidan protest keltirgan. Şahar hokimligi protestni qanoatlantirgan. Ammo bu haqda Ismoil Panjiyevga heç kim xabar bermagan. Ya'ni qaror heç qanday huquqiy oqibat keltirib çiqarmagan va ijroga qaratilmasdan arxivga ravona bölgan.
Ismoil Panjiyev sudlarda ğalaba qozonib, bosqiçma-bosqiç qurib kelayotgan ğalaba piramidasini birgina mana şu qaror buzib yubordi. Qarşi şahar hokimining 2012 yil 15 avgustdagi 619-sonli qarorini bekor qildiriş uçun ma'muriy sudning birinçi va ikkinçi instansiyasida I.Panjiyev yutqazib turibdi. Hozir iş Oliy sudda, bu safar ham najot Oliy sudga qadalgan.
Birinçidan, I.Panjiyev egalik qilayotgan yer heç qaçon Yerqörğon bozoriga tegişli bölmagan. I.Panjiyev bu yerlarni obod qilib, avtoşohbekat qurganida Yerqörğon dehqon bozori katta bozor emas, unça-munça odam kelişga erinadigan bozorça bölgan.
Qolaversa, 619-sonli qaror kuçida bölsa, kompensatsiya masalalari örtaga çiqadi, I.Panjiyev rahbarligidagi «Asilbek Ziyoda» SIÇKga zararlarni qoplaş uçun evaziga nimadir, pul yoki boşqa yer maydoni berilişi kerak edi. Lekin, yuqorida ta'kidlanganidek, 619-sonli qarordan heç kimning xabari bölmagani bois, yerni «Asilbek Ziyoda» SIÇKdan olib qöyiş haqida qayta-qayta yangi qarorlar çiqavergan. Şu faktning özi bu qaror heç qanday kuçga ega emasligini körsatadi.
Xullas, ayni paytdagi işda 2012 yildagi 619-sonli qaror Oliy sudda bekor qilinsagina Ismoil Panjiyevning işi oldinga siljiydi. Aks holda arxivdan «tirilib» kelgan bir parça qoğoz barça harakatlarni zoye kettiradi.
Eng qiziği, bu yoqda hali bekor qilingan auksion bor, «GRAND SEVINCH GROUP» MÇJ noqonuniy egalik qilayotgan yer maydonlari bor. Ularning taqdiri nima böladi? I.Panjiyev mabodo Oliy sudda yengilsa yopiğliq qozon yopiğligiça qolib ketadimi?
Uşbu vaziyatda eng oqilona va adolatli yöl — 2 qavatli supermarket binosi «GRAND SEVINCH GROUP» MÇJga berilişi, «Asilbek Ziyoda» SIÇKga 80 sotix avtomobillar töxtaş maydoni qaytarilişi, Yerqörğon dehqon bozoriga ham tortib olingan 87 sotix yer maydoni qaytarilişidir. Adolat şu. Lekin bu adolatga Qarşida kimlardir könmaydi va aslo rozi bölmaydi. Sababini tuşungandirsiz...
