15:11 / 25.09.2021
61749
Шавкат Мирзиёев бошидан ўтказган воқеалар ва унга қарши қилинган ҳаракатлар ҳақида гапириб берди

Жорий йилнинг 24 сентябр куни президентликка номзод Шавкат Мирзиёев самарқандлик сайловчилар билан учрашди. 

Шавкат Мирзиёев тадбир давомида ўзи бошидан ўтказган воқеалар, унга қарши қилинган ҳаракатлар ҳақида гапириб берди.

Қайд этилишича, Эрон президентининг ташрифи доирасида Мирзо Улуғбекка қўйилган ҳайкалнинг очилиш маросимидан 3 соат олдин ҳоким бўлиб ишлаётган Шавкат Мирзиёевни ишдан олиш учун атайин ҳайкалнинг бошини олиб ташлашган.

“Гап фақат Мирзиёевнинг ишдан олинишида ҳам эмасди, гап Ўзбекистоннинг шарманда бўлишида эди. Тасаввур қилинг, 2та президент келсаю, ҳайкалнинг боши бўлмаса, ватанимиз обрўси нима бўларди?” - деди Шавкат Мирзиёев.

Давлат раҳбари сўзини давом эттирар экан, ушбу фавқулодда вазиятга тушиб қолгач, қандай қилиб бундан чиқиб кетганини йиғилганларга гапириб берди.

Шавкат Мирзиёев сўзи охирида ёшларга мурожаат қилиб, уларни ҳаёт синовларида енгилмасликка, доим курашишга чақирди.

Top