Qashqadaryoda tadbirkorlarning 11,5 milliard so‘mlik “snos” pullari to‘lab berildi

Qashqadaryo viloyatida tadbirkorlarning 11,5 milliard so‘mlik “snos” pullari to‘lab berilgan. Bu haqda viloyat hokimligi axborot xizmati xabar bermoqda.

Ma'lum qilinishicha, joriy yilning avgust-sentabr oylari davomida Qashqadaryo viloyati bo‘yicha 70ta tadbirkorlik sub'yektiga noturar obektlari zararini qoplash uchun 11 milliard 527,4 million so‘m mablag‘ to‘lab berilgan.

Qayd etilishicha, yer uchastkalariga oid tadbirkorlarga yetkazilgan zararlarni to‘lab berishda eng ko‘p holat Muborak tumanida qayd etilgan. Bu tumanda 34ta noturar obekt uchun 3 milliard 56,6 million so‘m ajratilgan. Keyingi o‘rinlarda Qarshi shahrida 2 milliard 182 million so‘m va Chiroqchi tumanida 2 milliard 11 million so‘m zarar to‘lab berilgan.

Eslatib o‘tamiz, joriy yil 20 avgust kuni prezidentning tadbirkorlar bilan o‘tkazgan ochiq muloqotida viloyat hokimlariga 1 sentyabrgacha bino hamda inshootlari buzilgan va hozirga qadar kompensatsiya pullarini ololmay yurgan tadbirkorlarga «snos» bo‘yicha qarzdorlikni to‘liq qoplash topshirig‘i berilgandi.