08:19 / 12.10.2021
2616
Ўзбекистонда илк бор алоҳида эндопротез ёрдамида тос ҳалқасини реконструкция қилиш бўйича операция ўтказилди
Фото: KUN.UZ

Республика ихтисослаштирилган онкология ва радиология илмий-амалий тиббиёт марказида россиялик етакчи онколог билан биргаликда тос суяги ҳалқасини индивидуал эндопротез билан реконструкция қилиш бўйича мураккаб жарроҳлик операцияси ўтказилди. 

Тос суяклари ўсмалари - суяк ўсмаларининг нисбатан кам учрайдиган локализацияси. Тос суяги ўсмаларини даволаш онкологияда мураккаб муаммолардан бири бўлиб қолмоқда. Жорий йилнинг 11 октябрида таянч-ҳаракат тизими ўсмалари бўлими раҳбари Пўлатова Д.Ш. россиялик ҳамкасби профессор Э. Мусаев билан 30 ёшли беморда хатарли тос ўсмаси радикал жарроҳлик амалиётини ўтказди. 

"Ҳар бир бемор учун тос ҳалқасининг яхлитлигини тиклаш индивидуал бўлиши керак, чунки ҳар бир ҳолатда ҳосил бўлган нуқсоннинг ўлчамлари турлича бўлади. Операциядан кейинги нуқсон қанчалик кенг бўлса, асоратлар эҳтимоли шунча юқори бўлади. Уч ўлчовли реконструкция ва виртуал моделлаштириш технологиялари бир қатор ҳолатларда радикал операцияни амалга оширишга имкон берди, бу рецидивлар сонини камайтиради ва беморнинг омон қолиш даражасини оширади ”, - деб изоҳ берди мушак-таянч тизими ўсмаларининг бўлими бошлиғи  Ж.Ш.Пўлатова.

 Бугунги кунда бундай юқори технологияли операциялар ҳамма мамлакатларда ҳам амалга оширилмайди. Бу операция мутахассислар ўртасида тажриба ва билим алмашиш, беморнинг ҳаёт тарзини яхшилаш имконини берди.

Top