Toshkentda yo‘lovchi tashuvchi «Gazel» va «Spark» ishtirokida to‘qnashuv yuz berdi

Ijtimoiy tarmoqlarda Toshkent shahrining Shayxontohur tumanida sodir bo‘lgan yo‘l-transport hodisasi yuzasidan ma'lumot tarqaldi. IIV YHXBB holat bo‘yicha rasmiy axborot berdi.

Foto: IIV YHXBB Axborot xizmati

Joriy yilning 12 oktabr kuni soat 14:00larda Toshkent shahar, Shayxontohur tumani, Beruniy-Navoiy-Samarqand darvoza ko‘chalari kesishgan chorrahada haydovchi, 1973 yilda tug‘ilgan G‘.A. boshqaruvidagi "Gazel" rusumli yo‘lovchi tashuvchi avtomobil hamda haydovchi, 1989 yilda tug‘ilgan A.M. boshqaruvida bo‘lgan "Spark" rusumli avtomobil ishtirokida YTH sodir bo‘lgan.

To‘qnashuv natijasida tan jarohati olgan fuqarolar yo‘q. Mazkur YTH yuzasidan Toshkent shahar IIBB YHXB xodimlari tomonidan surishtiruv harakatlari olib borilmoqda.