Qoʻshimcha funksionallar
-
Tungi ko‘rinish
Navoiyda hokimlik zaxirasidagi yerni 75 mln so‘mga sotmoqchi bo‘lgan shaxs ushlandi
Foto: Iqtisodiy jinoyatlarga qarshi kurashish departamenti
Navbahor tumani hokimligi zaxirasida bo‘lgan 40 sotix yer maydonini sotmoqchi bo‘lgan shaxs qo‘lga olindi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar bermoqda.
Ma'lum qilinishicha, fuqaro L.Q. fuqaro Sh.ning ishonchiga kirib, aslida Navbahor tumani hokimligi zaxirasida bo‘lgan 40 sotix yer maydonini o‘ziga tegishli ekanligini aytgan hamda uni 75 mln so‘mga sotishga kelishgan. Departamentning Navoiy shahar bo‘limi tomonidan viloyat DXX bilan o‘tkazilgan tezkor tadbirda L.Q. 1 700 AQSh dollari va 57 mln so‘m pulni olgan vaqtida ashyoviy dalillar bilan ushlangan.
Holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Oldinroq Qiziltepa tumanida davlat zaxirasidagi yerni sotmoqchi bo‘lgan shaxs ushlangandi.
Mavzuga oid
13:39 / 30.01.2026
Kam ta’minlangan oilalarga pillachilik uchun 50 sotixdan yer bepul ajratiladi
15:07 / 27.01.2026
Namanganda yer rasmiylashtirishni va’da qilgan o‘rmon xo‘jaligi mas’ullari va kadastr mutaxassisi ushlandi
10:08 / 20.01.2026
Nemislarning uchdan ikki qismi federal yerlar soni qisqarishiga qarshi
08:50 / 25.12.2025