Mask bir kun ichida 41 mlrd dollarga boyib, tarixdagi eng badavlat odamga aylandi

Ta'kidlanishicha, milliarder Tesla aksiyalari narxi 13 foizga oshishi natijasida bir kun ichida 41,7 mlrd dollarga boyigan.

Bir kun avval kompaniya kapitallashuvi birinchi marta 1 trln dollardan oshgani ma'lum qilingandi. Aksiyalar qiymati 12 foizga oshib, bir donasi narxi 1025 dollarga yetgan. Natijada Maskning boyligi bir kun ichida 36,2 mlrd dollarga ko‘paygandi.

O‘z navbatida Bloomberg axborot agentligi Maskning boyligini 288,6 mlrd dollarga baholamoqda. Bu esa Tesla’ning asosiy raqobatchilari bo‘lgan Toyota (282 mlrd dollar), General Motors (83,9 mlrd dollar) va Ford (62,8 mlrd dollar) kompaniyalarining bozor qiymatidan ko‘proqni tashkil qiladi.

Bunday ulkan ko‘rsatkichlar tadbirkorga Amazon asoschisi Jyeff Bezosdan oshib ketishga imkon berdi. Ayni vaqtda Bezosning boyligi 194,1 mlrd dollarga baholanmoqda.

Bir oy avval Maskning boyligi 200 milliard dollardan ko‘proqqa baholanayotgandi.

Morgan Stanley tahlilchilarining fikricha, Mask dunyodagi birinchi trillionerga aylanishi mumkin.