Samarqandda xotini va qaynonasini o‘ldirgan shaxsga sud hukmi o‘qildi

Samarqand viloyatida turmush o‘rtog‘i va qaynonasini o‘ldirgan shaxs uzoq muddatga qamaldi. Bu haqda Kun.uz’ga viloyat sudi matbuot kotibi xabar berdi.

Foto: KUN.UZ

Ma'lum bo‘lishicha, joriy yil 18 iyul kuni soat 23:00larda Past Darg‘om tumani Chandir qishlog‘ida yashovchi O. spirtli ichimliklar va giyohvand moddalar ta'sirida ota uyiga arazlab ketgan xotinini qaytarib olib kelish uchun uning oldiga borgan.

U yerda qaynonasi va xotini bilan yana janjallashib qolgan va ularni shavqatsizlarcha do‘pposlagan. Holatga guvoh bo‘lgan qayin ukasini ham urgan. Oqibatda xotini va qaynonasi og‘ir tan jarohati olib vafot etgan.

Jinoyat ishlari bo‘yicha Samarqand viloyat sudida aybdorga hukm o‘qilgan. Sud hukmiga ko‘ra O. Jinoyat kodeksining tegishli moddalari bilan aybdor deb topilib, unga 24 yil 6 oy ozodlikdan mahrum etish jazosi belgilangan.

Samarqandda bir erkakni o‘ldirib, jasadni kanalga oqizib yuborgan shaxslarga hukm o‘qildi

Spirtli ichimlik ta'siri ostida xotinini o‘ldirgan urgutlik erkakka sud hukmi o‘qildi