Kuzbassdagi konlardan birida 52 kishi halok bo‘ldi
Rossiyaning Kuzbassidagi “Listvyajnaya” konida yuz bergan tutunlanish vaqtida 52 kishi, jumladan 6 qutqaruvchi halok bo‘ldi.

Foto: rbc.ru
Ma'lumotlarga ko‘ra, jasadlarning aksariyati konda qolmoqda va harorat hamda metan miqdori barqarorlashgandan keyin ular tashqariga olib chiqiladi.
Halokat yuz bergan vaqtda konda 285 kishi bo‘lgan, ulardan 239 nafari tashqariga chiqishga muvaffaq bo‘lgan. Konchilar ventilyatsiya shtreklaridan birida vujudga kelgan tutunlanish oqibatida is gazidan bo‘g‘ilishgan.
Ta'kidlanishicha, 250 metr chuqurlikdagi ventilyatsiya shtrekida ko‘mir changi alangalanishi yuz bergan. Uning oqibatida hosil bo‘lgan tutun ventilyatsiya tizimi orqali butun kon bo‘ylab tarqalgan.
Halokat yuzasidan jinoiy ish qo‘zg‘atilgan. Unga olib kelgan asosiy sabab sifatida xavfsizlik texnikasining buzilishi versiyasi o‘rganilmoqda. Biroq boshqa versiyalar, jumladan qurilmaning nosozligi sababli yuz bergan qisqa tutashuv va “tabiiy sabablar” ham borligi aytilmoqda.
Hodisa sababli Kuzbassda 3 kunlik motam e'lon qilingan.
“Listvyajnaya” konida yuz bergan halokat Rossiya tarixidagi eng yiriklaridan biri hisoblanadi. Bungacha 2007 yilda Kemerovo oblastining “Ulyanovskaya” konida yuz bergan halokatda 100dan ko‘proq kishi, 2010 yilda “Raspadskaya” konida yuz bergan portlashda esa 90dan ko‘proq konchi halok bo‘lgan.
Tavsiya etamiz
Qatiq, murabbo va yadro quroli. Putin yangi filmda nimalar dedi?
Jahon | 21:59 / 06.05.2025
Avtomobil importiga ekosertifikat – utilizatsiyaga qo‘shimcha “bonus”mi?
O‘zbekiston | 20:34 / 06.05.2025
Isroil Suriyani bombaladi. Turkiya nega sukutda?
Jahon | 12:44 / 06.05.2025
May oyida vodiyda me’yorga yaqin harorat kutiladi, mamlakatning katta qismida oy xuddi iyun kabi o‘tadi
O‘zbekiston | 11:17 / 06.05.2025
So‘nggi yangiliklar
-
Samarqand shahridagi ko‘p qavatli uyda gaz portladi. Qurbonlar bor
O‘zbekiston | 14:57
-
Rossiya Ikkinchi jahon urushi qatnashchilariga MDH davlatlari orasida eng kam mukofot puli to‘laydi
Jahon | 14:36
-
O‘zgalar parvarishiga muhtoj shaxslar uchun “Faol hayotga qadam” dasturi joriy etiladi
O‘zbekiston | 14:27
-
Mafkuralar kurashi: 9 may aslida qanday kun?
O‘zbekiston | 14:22
Mavzuga oid

23:28 / 25.03.2025
“Titanik”dan “Kursk”kacha – eng yirik kema halokatlari

16:51 / 09.02.2025
Sankt-Peterburg yaqinida mazut ortilgan tanker cho‘ka boshladi

22:40 / 28.12.2024
Oqtovda qulagan samolyot yagona hodisa emas – Embraer E190 bilan sodir bo‘lgan halokatlar

16:28 / 30.11.2024