Ular Meksika orqali Nyu-York va Filadelfiya shaharlariga bormoqchi bo‘lishgan.
Amerika Qo‘shma Shtatlarining Arizona shtatida 4 nafar o‘zbekistonlik Meksikadan noqonuniy ravishda chegarani kesib o‘tayotgan vaqtda Amerika xavfsizlik kuchlari tomonidan qo‘lga olindi.
“Voyennyy obozrevatel” Telegram-kanalida yozilishicha, hibsga olinganlar Turkiya orqali Meksikaga borishgan va ushbu davlatdan AQShning Nyu-York va Filadelfiya shaharlariga yetib olish maqsadida bo‘lgan.
Chegaralarni noqonuniy kesib o‘tayotganlarga nisbatan qanday chora ko‘rilgani ma'lum qilinmagan.
