Axborot texnologiyalari va kommunikatsiyalarini rivojlantirish vazirligi huzuridagi Elektron hukumat loyihalarini boshqarish markaziga Aziz Muhiddinov direktor etib tayinlandi.
Aziz Muhiddinov 1985 yil Toshkent shahrida tavallud topgan. Ma’lumoti oliy, Bonch-Bruyevich nomidagi Sankt-Peterburg davlat telekommunikatsiya texnologiyalari universitetini tamomlagan.
U o‘z faoliyatini 2008 – 2012 yillarda «O‘zbektelekom» AKda mutaxassis va bo‘lim boshlig‘i lavozimidan boshlagan. 2012 – 2017 yillarda Axborot texnologiyalari va kommunikatsiyalarini rivojlantirish vazirligida bo‘lim boshlig‘i va boshqarma boshlig‘i lavozimida ishlagan.
2017-2018 yillarda «UZINFOCOM» DUK direktorining birinchi o‘rinbosari, direktor vazifasini bajaruvchi lavozimlarida faoliyat yuritgan.
Aziz Muhiddinov 2018 yildan shu kunga qadar «UNICON.UZ» DUK direktorining birinchi o‘rinbosari lavozimida ishlab kelayotgandi.
