Oliy sud qatag‘on qurbonlaridan yana 120 nafarini oqladi

{Yii::t(}

O'tkazib yuborish 6s

O'tkazib yuborish

Bosh prokuror o‘rinbosari Svetlana Ortiqova tomonidan kiritilgan protestlarga asosan Oliy sud raisi o‘rinbosari Ikrom Muslimov raisligida 6ta jinoyat ishi ko‘rib chiqildi. Yakunda jami 120 nafar shaxs harakatlarida jinoyat tarkibi yo‘qligi sababli Jinoyat-protsessual kodeksining 83-moddasiga asosan oqlandi.

Oliy sudda ko‘rib chiqilgan jinoyat ishlari quyidagilardan iborat:

1. O‘rta Osiyodagi Birlashgan davlat siyosiy boshqarmasi (BDSB) hay’atining 1925 yil 4 sentabrdagi maxsus yig‘ilish qaroriga ko‘ra, Mirza Ibragimov Miroxur va boshqalar (jami 43 kishi) O‘zbekiston SSR JKning 61-moddasi (xorijiy mamlakatlar yoki ijtimoiy guruhlar foydasiga og‘ish) qalbaki hujjatlardan foydalangan holda urushni e’lon qilish hamda sovet davlatiga qarshi qurolli qarshilik harakatlarida ishtirok etish, 67-moddasi (aksilinqilobiy tashkilotlarga a’zolik qilish) va 69-modda (inqilobiy harakat va proletariat sinfiga qarshi faol harakat yoki kurashish) ya’ni fuqarolar urushi vaqtida aksilinqilobiy hukumat tuzishda aybli deb topilib, surgun jazosiga xuqm qilinib, ularga tegishli mol-mulklar musodara etilgan.

2. O‘rta Osiyodagi Birlashgan davlat siyosiy boshqarmasi (BDSB) Doimiy vakili huzuridagi Uchlik yig‘inining 1930 yil 24 yanvardagi qaroriga ko‘ra, Oppoqxo‘ja Asqarxo‘jayev va boshqalar (jami 40 kishi) O‘zbekiston SSR JKning 78-moddasi (banditizm) sovet davlatiga qarshi qurolli qarshilik harakatlarida ishtirok etganlikda aybli deb topilib, surgun va eng og‘ir jazo-otishga hukm qilinib, otilgan va mol-mulki musodara qilinishi belgilangan.

3. Markaziy Osiyodagi Birlashgan davlat siyosiy boshqarmasi (BDSB) Doimiy vakili qoshidagi Uchlik kengashining 1930 yil 24 martdagi bayoniga ko‘ra, Abdurahimov Mirzaxo‘ja va boshqalar (jami 15 kishi) O‘zbekiston

SSR JKning 67 va 78-moddalari, aksilinqilobiy maxfiy tashkilotini tuzganlikda hamda sovet davlatiga qarshi qurolli qarshilik harakatlarida ishtirok etganlikda aybli deb topilib, surgun va eng og‘ir jazo-otishga hukm qilinib, otilgan va mol-mulki musodara qilinishi belgilangan.

4. Markaziy Osiyodagi Birlashgan davlat siyosiy boshqarmasi (BDSB) Doimiy vakili qoshidagi Uchlik kengashining 1930 yil 25 yanvardagi bayoniga ko‘ra, Mansurbekov Muhammad Sodiq va boshqalar (jami 5 kishi) O‘zbekiston

SSR JKning 67 va 78-moddalari, aksilinqilobiy maxfiy tashkilotini tuzganlikda hamda sovet davlatiga qarshi qurolli qarshilik harakatlarida ishtirok etganlikda aybli deb topilib, O‘rta Osiyodan surgun qilinib, mol-mulki musodara qilinishi belgilangan.

5. Markaziy Osiyodagi Birlashgan davlat siyosiy boshqarmasi (BDSB) Doimiy vakili qoshidagi Uchlik kengashining 1930 yil 19 martdagi bayoniga ko‘ra, Safarov Tog‘ay Amin va boshqalar (jami 12 kishi) O‘zbekiston SSR JKning

67 va 78-moddalari, aksilinqilobiy maxfiy tashkilotini tuzganlikda hamda sovet davlatiga qarshi qurolli qarshilik harakatlarida ishtirok etganlikda aybli deb topilib, O‘rta Osiyodan surgun qilinib, mol-mulki musodara qilinishi belgilangan.

6. Rossiya Federativ Sovet Sotsialistik Respublikasi Oliy Inqilobiy tribunali Turkiston Sovet Respublikasi Markaziy Ijroiya Qo‘mitasining

1921 yil 23 dekabrdagi hukmiga ko‘ra, Sharifjo‘jayev Sadriddinxon va boshqalar (5 kishi) O‘zbekiston SSR JKning 67 va 78-moddalari, aksilinqilobiy maxfiy tashkilotini tuzganlikda hamda sovet davlatiga qarshi qurolli qarshilik harakatlarida ishtirok etganlikda aybli deb topilgan.

Eslatib o‘tamiz, 2021 yil 25 avgust kuni Oliy sudda ko‘rilgan jinoyat ishlari doirasida sovet davrida qatag‘on qilingan 115 nafar shaxs oqlangan edi.

Mavzuga doir: