Qashqadaryoda xitoyliklar eshak so‘yib iste’mol qilayotgani aytilmoqda

Videoni tasvirga olgan shaxsning aytishicha, eshak so‘yayotganlar Kitob tumanidagi sement zavodda ishlayotgan xitoylik ishchilar. Ular muntazam eshak so‘yib uning go‘shtini iste’mol qilib kelishmoqda.

Videoda bir guruh shaxslar so‘yilgan eshakni terisidan tozalab turgan xitoylikning oldiga borib uning qo‘lidan pichoqni tortib olishadi. So‘ng eshak go‘shti ustiga oyoqlari bilan tuproq sochishadi.

Holat yuzasidan Kitob tumani hokimligi axborot xizmati munosabat bildirib, hodisa bu tumanda sodir bo‘lmaganini ma’lum qildi.

«Ijtimoiy tarmoqlarda Kitob tumanida joylashgan "Qarshi Conch sement" xorijiy korxonasining qurilish hududida eshak so‘yilganligi va bundan mahalliy ishchilar norozilik bildirgani aytilgan videolavha yuzasidan tegishli soha xodimlari tezkor surishtiruv ishlarini olib borishdi. O‘rganishlar davomida mazkur holat Kitob tumanidagi xorijiy korxona bilan bog‘liq emasligi ma’lum bo‘ldi», deyiladi munosabatda.

Avvalroq Surxondaryo viloyati Sariosiyo tumanida joylashgan Sharg‘un shahrida xitoyliklar itlarni o‘ldirib osib qo‘yayotgani haqida xabar berilgandi.