07:50 / 18.03.2022
7257
Самарқандда ноқонуний олтин тозаловчи яна бир гуруҳ ушланди

Пахтачи тумани ИИБ ҳамда ДХХ ходимлари ҳамкорликда ўтказилган тезкор тадбирда бир гуруҳ шахслар томонидан таркибида соф олтин моддаси бўлган рудаларни ноқонуний тарзда қайта ишлаш ҳолатларига чек қўйилди.

Фото: ИИВ

Самарқанд вилояти ИИБ ахборот хизмати хабарига кўра, тадбир давомида Пахтачи туманида яшовчи фуқаролар - 1994 йилда туғилган У.А. ва 1994 йилда туғилган И.Б.нинг яшаш хонадонларида таркибида соф олтин моддаси бўлган тахминан 3 тонна руда тошлар ҳамда бошқа ашёвий далиллар (тош тегирмони - 2 та, дробилка двигатели, электрон тарози, қуритиш мосламаси, «УАЗ» автомашинаси - 2 та) мавжудлиги аниқланиб, холислар иштирокида ҳужжатлар расмийлаштирилди.

Оҳак цехи фаолияти ҳамда рудаларни ноқонуний тарзда қайта ишлаш натижасида жами 1 млрд 260 млн сўмдан ортиқ табиий газ маҳсулоти талон-торож қилингани аниқланган.

Бундан олдин Пахтачи туманида бошқа бир гуруҳ шахсларнинг таркибида олтин бўлган рудаларни ноқонуний тарзда қайта ишлаш ҳолатига чек қўйилганди.

Top