AQSh Turkiyadan Rossiyadan sotib olgan S-400 majmualarini Ukrainaga jo‘natishni so‘ramoqda

AQSh Turkiya bilan Anqara Rossiyadan sotib olingan havo hujumidan mudofaa qiluvchi S-400 majmualarini Ukrainaga berishi bo‘yicha muzokara o‘tkazmoqda. Pentagon vakili bu ma’lumotni Sky News Arabia telekanaliga tasdiqladi.

Pentagon vakilining so‘zlariga ko‘ra, Anqaraga Turkiyadan Amerika sanksiyalari yechilishi hamda F-35 qiruvchi samolyotlarni ishlab chiqarish dasturiga qaytishi evaziga S-400dan voz kechib, ularni Ukrainaga jo‘natish taklif etilmoqda.

Reuters agentligi manbasi Turkiya hukumati bunday kelishuvga rozi bo‘lishi qiyinligi, mamlakat Moskva bilan munosabatlarni buzishni istamasligini qayd etgan.

• Turkiya 2017 yilda Rossiyadan 2,5 milliard dollar evaziga C-400 tizimlarini sotib olishini e’lon qilgan, birinchi partiya oradan ikki yil o‘tib yetkazib berilgandi. NATO davlatining bunday qarori AQSh tomonidan keskin tanqidga uchragandi — Anqaraga qarshi sanksiyalar joriy etilgan, shuningdek, Vashington Turkiyani F-35 qiruvchi samolyotlarini ishlab chiqarish dasturidan chiqarib yuborgan va buni qiruvchi samolyotlar «Rossiya razvedka ma’lumotlarni yig‘ish platformasi yaqinida joylashishi mumkin emasligi» bilan izohlagandi.