Sherzod Asadov Afg‘onistondan Termizga raketa otilgani haqidagi xabarlar feyk ekanini aytdi

Ijtimoiy tarmoqlarda go‘yoki Afg‘oniston hududidan Termizga raketa zarbalari berilgani haqida mish-mishlar tarqaldi. O‘zbekiston prezidenti matbuot kotibi Sherzod Asadov bu xabarlar haqiqatga to‘g‘ri kelmasligini ma’lum qildi.

Foto: Kun.uz

«Ayrim Telegram-kanallar tomonidan Termiz shahri atrofida O‘zbekiston harbiylari Afg‘oniston hududidan raketalar bilan o‘qqa tutilgani to‘g‘risida tarqatilayotgan xabarlar mutlaqo haqiqatga to‘g‘ri kelmaydi.

O‘zbekiston Mudofaa vazirligi va Chegara qo‘shinlari bergan ma’lumotga ko‘ra, O‘zbekiston-Afg‘oniston chegarasida hech qanday harbiy faollik kuzatilmayapti, vaziyat barqaror. Provokatsiyaga berilmasligingizni so‘raymiz», deb yozdi Asadov o‘z rasmiy kanalida.