XXR mudofaa vaziri Tayvan Xitoyning ajralmas qismi ekanligini ta’kidladi 

Tayvan masalasiga noto‘g‘ri yondashish Xitoy va AQSh munosabatlariga salbiy ta’sir ko‘rsatishi mumkin. Bu haqda Xitoy mudofaa vaziri Vey Fenxe amerikalik hamkasbi Lloyd Ostin bilan telefon orqali muloqotida ma’lum qildi.

"Tayvan Xitoyning ajralmas qismi hisoblanadi va bu status-kvoni hech kim o‘zgartira olmaydi", - dedi u.

Vey Fenxening so‘zlariga ko‘ra, Tayvan masalasiga noto‘g‘ri yondashish Xitoy va AQSh munosabatlariga salbiy ta’sir ko‘rsatishi mumkin.

U AQShni dengizda harbiy provokatsiyalar uyushtirishni to‘xtatishga chaqirdi.