07:49 / 30.04.2022
4275
Ўзбекистонда 10 та «Меҳрибонлик уйи», 4 та «Болалар шаҳарчаси» ва 2 та «Болалар уйи» ёпилди

“Меҳрибонлик уйлари”даги 1,5 мингга яқин ўғил-қизлар оилаларга олинди. Бу ҳақда президент Шавкат Мирзиёев раислигида 29 апрель куни ўтказилган видеоселектор йиғилишида маълум қилинди.

Президент матбуот котиби хабарига кўра, охирги йилларда ота-она қарамоғидан маҳрум бўлган болалар, боқувчисини йўқотган хотин-қизлар, ногиронлиги бўлган шахслар, оғир касалликка чалинганларга ғамхўрлик кўрсатиш бўйича янги тизим яратилгани таъкидланди.

Тизимга мувофиқ, “Меҳрибонлик уйлари”даги 1,5 мингга яқин ўғил-қизлар оилаларга олинди, 116 та оилавий уй ташкил қилиниб, 700 га яқин фарзандлар ота-она бағрида вояга етиши учун шароит яратилди.

Бунинг ҳисобига, 10 та “Меҳрибонлик уйи”, 4 та “Болалар шаҳарчаси” ва 2 та “Болалар уйлари” ёпилди.

Ўтган йили 757 нафар бола уй-жой билан таъминланди, 2022 йил якунига қадар яна 350 та ажратилади.

Давлат ҳисобидан 4 мингдан зиёд болаларда мураккаб операциялар ўтказилди. 

Ўтган йили 42 мингга яқин ногиронлиги бўлган шахсларга реабилитация ва протез-ортопедия мосламалари олиб берилди.

Ўтган йили эшитиш қобилияти заиф 555 нафар бола кохлеар имплант билан таъминланди, жорий йилда яна 250 нафар болага шундай ёрдам кўрсатилади.

4 минг нафар кўзи ожиз болаларга Брайл алифбоси тарқатилди.

Бундан олдин Тошкент шаҳридаги 21-меҳрибонлик уйи тарбияланувчилари ходимлардан бирига эътироз билдиргани хабар қилинганди.

Top