13:32 / 06.05.2022
23368
«Азовстал» штурми давом этмоқда, Украина ҳудуди миналардан тозаланмоқда. Уруш суратлари

Украинада урушнинг 71-куни ўтди. Мариуполда «Азовстал» россиялик ҳарбийлар томонидан штурм қилиниши давом этмоқда, БМТ бош котиби Антониу Гутерришнинг маълум қилишича, 6 майга ўтар кечаси завод ва атрофдаги ҳудудлардан 500 нафарга яқин тинч аҳоли вакиллари эвакуация қилинган. Украин ҳарбийлари Харков ва Изюм йўналишларида қарши ҳужумга ўтган бўлса-да, Россия армияси Харковдаги тинч аҳоли яшайдиган ҳудудларга зарбалар беришни давом эттирмоқда. Запорожье областида ҳудудларни миналардан тозалаш ишлари олиб борилмоқда. Краматорск яна ўққа тутилди: камида 25 киши яраланган.

Литва президенти Гитанас Науседа (чапда) Полша президенти Анджей Дуда билан Вилнюс яқинида Gas Interconnection Poland–Lithuania (GIPL) газ қувури очилиши маросимида. Литва-Полша газ қувури пайшанба куни табиий газ ташиш учун фойдаланишга топширилди, бу Россия энергия манбаларига қарамликдан халос бўлиш томон ташланган навбатдаги қадам бўлди. Фото: AP Photo/Mindaugas Kulbis

Украинадаги урушнинг 72-куни. Сўнгги соатлардаги маълумотлар

  • Пайшанба куни кечқурун Америка нашрларида Америка разведкаси ва Украина қуролли кучлари ҳамкорлиги бўйича янги маълумот пайдо бўлди. Бу сафар АҚШдаги аноним манба Америка разведкаси Украина томонига Россиянинг «Москва» крейсерига зарба бериш учун маълумотлар тақдим этганини айтган. Пентагон расмийси Жон Кирби бу хабарга муносабат билдириб, зарба бериш тўғрисидаги қарорни украинларнинг ўзи мустақил қабул қилгани, Қўшма Штатлар эса қанотли ракеталарни нишонга йўналтириш учун тўғридан тўғри маълумотлар етказиб бермаганини маълум қилди.
  • БМТ координатори ертўлаларида 200 нафар атрофида тинч аҳоли вакиллари қолаётган «Азовстал» металлургия комбинатига эвакуация карвони етиб бориши кутилаётгани ҳақида хабар берган.
  • Украина ва Германия президентлари Володимир Зеленский ва Франк-Вальтер Штайнмайер телефон орқали гаплашишди ва ярашиб олишди.
  • Евроиттифоқ мамлакатлари Россияга қарши санкцияларнинг янги пакети бўйича келишиб олишда давом этмоқда, асосий эътибор Россиядан нефт импортига эмбарго қўйишга қаратилмоқда. Шарқий Европанинг айрим мамлакатлари, хусусан Венгрия ва Словакия ўзларининг нефтни қайта ишлаш заводларини қайта қуриш ва хомашё етказиб берувчи муқобил каналларни яратиш учун узоқ муддатли ўтиш даври талаб қилишмоқда.
  • АҚШнинг биринчи ледиси Жилл Байден Шарқий Европага йўл олди. Унинг турнеси жума куни Руминиядан бошланади, якшанба куни у Словакияда украиналик қочқинлар билан учрашади ва Украина чегарасига келади.
  • Украина томони маълумотларига кўра, Донецк ва Луганск областларида ўтган кунда россиялик ҳарбийларнинг 11 ҳужуми қайтарилган, саккиз танк ва 11 та зирҳли техникалар, бешта автомобил йўқ қилинган.
«Азовстал»нинг юқоридан кўриниши. «Азов» полки жангчилари 5 май куни россиялик ҳарбийлар заводга авиация, артиллерия ва пиёдалар орқали янги юриш бошлаганини маълум қилган. Аммо 6 майга ўтар кечаси завод ва унга ёндош ҳудудлардан 500 нафар атрофида тинч фуқаролар эвакуация қилинди.
Pavel Klimov / Reuters / Scanpix / LETA
«Азовстал» штурми, ДХР томонидан эълон қилинган видеодан скриншот
Donetsk People's Republic Interior Ministry Press Service via AP
«Азовстал» металлургия заводи устида кўтарилган тутун. Завод учун қақшатқич жанглар давом этмоқда, россиялик ҳарбийлар украин ҳарбийларининг Мариуполдаги сўнгги қалъасини яксон этиш учун қатъий ҳаракатларга киришган. Фото: AP Photo
Мариуполлик зарбага учраган уйнинг подъездида овқат тайёрламоқда. Шаҳар Россия кучлари назоратида: шаҳарга киришда илинган табличкадаги «Марiуполь» ёзуви  «Мариуполь» қилиб ўзгартирилган ва шаҳар марказида «советлар байроғи кўтарган кампир» ҳайкали ўрнатилган
Петр Ковалев / ТАСС

Харков области

Харковдаги Салтовка районида тутун. 5 май тонгида россиялик ҳарбийлар яна шаҳарни ўққа тутган. Жабрланганлар ҳақида маълумот йўқ
Daniel Carde / ZUMA Press Wire / Scanpix / LETA
Салтовкада қўшнисининг балконидаги ёнғинни ўчиришга уринаётган киши. Ҳудуд раҳбари Олег Синегубовнинг маълум қилишича, Украина қуролли кучлари россиялик ҳарбийларни Харков шимолидан чекинтирган бўлса-да, улар «тинч аҳоли вакилларига зарар келтиришда давом этмоқда»
Daniel Carde / ZUMA Press Wire / Scanpix / LETA
Чугуевдаги блокпостда «уруш-уруш» ўйнаётган болалар
Sergey Bobok / AFP / Scanpix / LETA
Оригова қишлоғидаги ўсмирлар велосипедларда вайрон бўлган кўприк бўйлаб ўтишмоқда
AP Photo/Evgeniy Maloletka

Запорожье 

Григорьевка қишлоғи яқинида фермерлар портламай қолган ракетани олиб кетишмоқда. Украина ҳудудининг қарийб ярми (300 минг квадрат километр атрофида) миналардан тозалашга муҳтож. Фото: Dimitar Dilkoff / AFP / Scanpix / LETA
Сапёрлар гуруҳи портламай қолган ракеталарни йўқ қилишга тайёрланмоқда. Украинада ҳар куни икки мингдан олти минггача миқдорда портловчи қурилмалар зарарсизлантирилмоқда. Фото: Dimitar Dilkoff / AFP / Scanpix / LETA
Миналардан тозалаш операцияси вақтидаги портлаш. «Баҳор ўтмоқда, ўтлар ўсмоқда, бир ҳафтадан кейин портловчи қурилмалар кўзга ташланмай қолади, фақат махсус воситалар билан топиш мумкин бўлади. Бир неча ойдан кейин эса улар ер остида қолади, аммо ўз хавфлилигини йўқотмайди», деган Украина ИИВ раҳбари Денис Монастирский. Фото: Dimitar Dilkoff / AFP / Scanpix / LETA

Донбасс шимоли

5 май куни Краматорскка ракета зарбаси йўлланганидан кейин квартирасини кўздан кечираётган аёл
Yasuyoshi Chiba / AFP / Scanpix / LETA
Краматорскдаги квартира деворига сачраган қон излари. Донецк ҳарбий маъмурияти раҳбари Павел Кириленконинг сўзларига кўра, Краматорск тунда ракета зарбасига учраши оқибатида тинч аҳоли вакилларидан камида 25 киши яраланган. Тўққизта турар жой биноси, мактаб ва фуқаролик инфратузилмалари бўлган бошқа объектларга зарар етган. Фото: Yasuyoshi Chiba / AFP / Scanpix / LETA
Краматорскда ракета зарбасидан вайрон бўлган дўкон олдидан скейтбордда ўтаётган йигит
Yasuyoshi Chiba / AFP / Scanpix / LETA
Кун ботаётган осмонда икки ракетадан қолган излар. Краматорскдаги Тинчлик майдонидан кўриниш
Yasuyoshi Chiba / AFP / Scanpix / LETA
Краматорск ўққа тутилишидан кейин пайдо бўлган ўра олдида турган ишчилар
AP Photo/Andriy Andriyenko

Вилнюс

 

Яуниунай газ қувури кўриниши. 530 миллион доллар қийматдаги бу лойиҳа Литвадан Полшага табиий газ етказиб бериш учун барпо этилди
AP Photo/Mindaugas Kulbis
Литва президенти Гитанас Науседа газ қувури очилиши муносабати билан ўтказилган маросимда чиқиш қилмоқда
AP Photo/Mindaugas Kulbis
Полша президенти Анджей Дуда газ қувури очилиши муносабати билан ўтказилган маросимда нутқ сўзламоқда
AP Photo/Mindaugas Kulbis

Мавзу
Украина инқирози
2021 йил давомида Россия Украина билан чегарада қўшин тўплади. Сўнгги вақтларда минтақада вазият кескинлашмоқда.
Барчаси
Top