Korrupsiyaga qarshi kurashish agentligi Oliy va o‘rta maxsus ta’lim vazirligi axboroti asosida respublikadagi 62 ta davlat oliygohining 2021 yildagi daromadlari va xarajatlari haqida ma’lumot berdi.

Ma’lum bo‘lishicha, respublika kesimida eng ko‘p daromadlar Nizomiy nomidagi Toshkent davlat pedagogika universiteti (qariyb 400 mlrd so‘m), Namangan davlat universiteti (320 mlrd so‘m) va Mirzo Ulug‘bek nomidagi O‘zbekiston Milliy universiteti tomonidan (315 mlrd so‘m) shakllantirilgan.

Toshkent shahrida joylashgan eng ko‘p daromad ko‘rgan 5 ta oliygoh quyidagilar:

  1. Nizomiy nomidagi Toshkent davlat pedagogika universiteti – 399 mlrd so‘m;
  2. Mirzo Ulug‘bek nomidagi O‘zbekiston Milliy universiteti – 320 mlrd so‘m;
  3. Islom Karimov nomidagi Toshkent davlat texnika universiteti –  276 mlrd so‘m;
  4. Toshkent davlat iqtisodiyot universiteti – 237 mlrd so‘m;
  5. O‘zbekiston davlat jahon tillari universiteti – 210 mlrd so‘m.

OTMlarining daromadlari quyidagilardan shakllangan:

  • budjetdan moliyalashtirilgan mablag‘lar;
  • to‘lov-kontrakt asosida o‘qitish uchun tushgan tushumlar;
  • rivojlantirish mablag‘lari bo‘yicha daromadlar.

Shuningdek, ro‘yxatdagi 6 ta OTMning xarajati umumiy daromadidan quyidagi miqdorda oshib ketgan:

  1. Andijon davlat universiteti – 13,3 mlrd so‘m;
  2. Samarqand davlat universiteti – 12,2 mlrd so‘m;
  3. Toshkent davlat sharqshunoslik universiteti – 6,6 mlrd so‘m;
  4. ADTUning O‘zbekiston Respublikasi Toshkent viloyati filiali – 6,6 mlrd so‘m;
  5. Urganch Davlat universiteti – 3,5 mlrd so‘m;
  6. Namangan muhandislik qurilish instituti – 3 mlrd so‘m.

Davlat oliy ta’lim muassasalarining yillik daromadlari va xarajatlari (2022 yil 1 yanvar holatiga, mln so‘m)