Uzbekistan GTL da avariya sodir bo‘lgani haqida xabarlar tarqaldi. Kompaniya ma’muriyati buni rad etdi

So‘nggi kunlarda ayrim ijtimoiy tarmoqlarda Uzbekistan GTL zavodining faoliyatiga oid asoslanmagan, zavod hududida avariya sodir bo‘lgani haqidagi xabarlar tarqaldi. Zavod ma’muriyati xabarlar yuzasidan rasmiy ma’lumot berdi.

Unda yozilishicha, ayrim internet tarmoqlari internetdan olingan, zavodga aloqador bo‘lmagan, feyk suratlar bilan birga zavodning faoliyatiga oid asoslanmagan xabarlar tarqatmoqda.

“Uzbekistan GTL” MChJ tomonidan yolg‘on axborotni tarqatish fakti yuzasidan vakolatli idoralarga murojaat etish uchun tegishli hujjatlar rasmiylashtirilmoqda.

“Uzbekistan GTL” kompaniyasi GTL zavodida sintetik neft ishlab chiqarilishi yo‘lga qo‘yilgani hamda asosiy mahsulot ishlab chiqarishga yakuniy sozlash ishlari odatiy tartibda davom etayotganligini rasman ma’lum qiladi. Shu bilan birgalikda “Uzbekistan GTL” kompaniyasi ma’lumot e’lon qilishda ularning to‘g‘riligi tekshirib ko‘rilishini, shuningdek aholi ishonchini suiiste’mol qilishdan ehtiyot bo‘lishni so‘rab qoladi”, deyiladi ma’lumotda.