12:26 / 29.06.2022
4216
Фарғона вилоятида чиқиндиларни электрон мотороллерлар ёрдамида олиб чиқиб кетиш йўлга қўйилди
Фото: Металл лазер

Фарғона вилояти Уй-жой коммунал хизмат кўрсатиш бошқармаси чиқиндиларни электрон мотороллерлар ёрдамида олиб чиқиб кетишни йўлга қўйди.

Уй-жой коммунал хизмат кўрсатиш вазирлиги хабарига кўра, бошқарув ташкилотлари учун берилаётган экологик тоза, шовқинсиз ишловчи электрон мотороллерлар маҳаллийлаштириш тамойилларига асосан “Металл лазер” МЧЖ томонидан ишлаб чиқарилмоқда.  

Фото: Металл лазер

Маълум қилинишича, кўп квартирали уйларга туташ ер ҳудудларни ободонлаштириш, санитар-гигиена талаблари асосида озода сақлаш долзарб муаммолардан бири ҳисобланади. 

Мазкур ускуна ортиқча сарф-харажатларни камайтириш билан бир қаторда, атроф-муҳитнинг заҳарли газлардан ифлосланиши олдини олиши билан ҳам аҳамиятли. Фарғона вилоятидаги 48 та бошқарув сервис компаниясига замонавий мотороллерлар етказиб бериш режалаштирилган. 

Фото: Металл лазер

Маълумот учун, бир дона электрон мотороллернинг нархи 32 млн сўмни ташкил этмоқда.

Top