14:04 / 13.07.2022
12250
Жиззахда ота-она 9 ёшли фарзандига Тошкент-Термиз йўлида машина бошқарувини топширди

Ота-онага Маъмурий жавобгарлик тўғрисидаги кодекснинг тегишли моддалари билан чора кўрилган.

Жиззах вилояти ИИБ ЙҲХБ ахборот хизматининг хабар беришича, 2022 йил 8 июл куни М-39 Алмати-Тошкент-Термиз халқаро автомобил йўлининг Ғаллаорол туманидан ўтган 1035-километрида Cobalt машинаси тўхтатилган.

Текширув жараёнида машинани Ғаллаорол тумани Лалмикор қўрғонида яшовчи 2013 йилда туғилган, 3-синф ўқувчиси бошқариб кетаётгани аниқланган.

Дастлабки суриштирувда, машина бошқарувини 9 ёшли мактаб ўқувчисига унинг ота-онаси топширгани маълум бўлган.

Қайд этилишича, Cobalt тегишли тартибда жарима майдончасига жойлаштирилган. Ёш болага машина бошқарувини топширган ота-онага МЖтКнинг тегишли моддалари билан маъмурий баённома расмийлаштирилган.

Top