Qashqadaryoning ayrim tumanlarida chang bo‘roni kuzatilmoqda

Qayd etilishicha, Qashqadaryo viloyatining Buxoro viloyati bilan chegaradosh tumanlarida kuchli shamol va chang bo‘roni hodisalari kuzatilmoqda.

Xususan, Muborak tumanida kuchli shamol ortidan, chang-to‘zoni ko‘tarilib, ko‘rinuvchanlik 200-300 metrgacha cheklanganini ko‘rish mumkin.

Bundan oldin respublika Gidrometeorologiya markazi O‘zbekiston bo‘yicha 19 iyul, seshanba kuni kuzatiladigan ob-havo ma’lumotini e’lon qilgandi.

Unga ko‘ra, shamol sharqdan 7-12 m/s tezlikda esadi, ba’zi joylarda 15-20 m/s gacha kuchayishi, ayrim joylarda chang-to‘zonlar kuzatiladi. Ayrim joylarda shamol 22-25 m/s gacha kuchayishi mumkin.