Sirdaryo viloyatining Oqoltin tumanida “Isuzu” rusumli avtobusga o‘rnatilgan gaz ballonida portlash sodir bo‘ldi.
Bugun, 18 avgust kuni taxminan soat 14:30 larda Sirdaryo viloyati Oqoltin tumani hududida joylashgan avtomobillarga gaz to‘ldirish shoxobchasida portlash sodir bo‘ldi.
Favqulodda vaziyatlar vazirligi xabariga ko‘ra, Xorazm viloyati Bog‘ot tumanidagi avtomaktabga tegishli bo‘lgan “Isuzu” rusumli avtobus metan gaz to‘ldirib chiqqan vaqtda unga o‘rnatilgan gaz balonlari birida portlash sodir bo‘lgan.
Dastlabki ma’lumotlarga ko‘ra, hodisa oqibatida 6 kishi voqea joyida vafot etgan va 15 kishi tan jarohati olgan.
Hodisa joyiga Favqulodda vaziyatlar vazirligi rahbariyati boshchiligida ishchi guruh yetib borgan.
Voqea joyida viloyat hamda tuman FVB, IIV, SSV rahbariyati, prokuratura xodimlari holat yuzasidan dastlabki tergovoldi surishtiruv ishlari olib borilmoqda.
