OPEK+ yilda birinchi marta neft qazib olishni qisqartiradi

Neft eksport qiluvchi mamlakatlar tashkiloti (OPEK) va uning qator hamkor davlatlari (OPEK+) 32-vazirlar yig‘ilishi yakunlari bo‘yicha videokonferensiya orqali OPEK+ neft qazib olishni kuniga 100 000 barrelga qisqartirishi va oktyabrda avgust oyi shartlariga qaytishi to‘g‘risida kelishib oldi. Bu haqda 5 sentabr, dushanba kuni yig‘ilish yakunlari bo‘yicha OPEK matbuot xizmati xabar berdi.

«Qazib olish darajasini kuniga 100 000 barrelga oshirishga qarab o‘zgartirish faqat 2022 yilning sentabriga mo‘ljallangan edi», — deyiladi bayonotda. Guruh 5 oktyabr kuni bo‘lib o‘tadigan navbatdagi yig‘ilish oldidan «zarur bo‘lganda bozor o‘zgarishlariga munosabat bildirish» uchun keyingi muzokaralar o‘tkazish huquqini saqlab qoldi. 

«O‘tgan oydagi qazib olishni o‘zgartirish iste’molchilar talablariga javob berdi, bu oydagi tuzatish ishlab chiqaruvchilarning xavotiriga munosabat bo‘ldi», dedi Standard Chartered tahlilchisi Emili Eshford. 

Qazib olishni qisqartirish qarori bu yil birinchi marta qabul qilindi. Yozda AQSh prezidenti Jo Bayden Saudiya Arabistonidan neft qazib olishni ko‘paytirishni so‘radi. Avgust oyida Reuters agentligi qazib olishning o‘sha paytdagi o‘sishini «86 soniya global talabni» ta’minlaydigan «mayda» o‘sish va Oq uy rahbarining «haqorati» deb atagan. 

Iyun oyida davlatlar koronavirus pandemiyasi davrida neftga bo‘lgan talabning pasayishi ta’sirini qoplash uchun iyul va avgust oylarida neft qazib olish kvotasini kuniga 648 ming barrelga oshirishga kelishib oldi. OPEKning eng yirik neft qazib oluvchisi Saudiya Arabistoni avvaliga bu qadamni qo‘yishni istamadi, ammo oxir-oqibatda Ar-Riyod bozordagi taqchillik tufayli bir qator davlatlar Rossiyadan neft sotib olishdan bosh tortgan vaziyatda bozorda tanqislikdan qochishga rozi bo‘ldi, deb yozadi Financial Times. 

OPEK+ guruhiga Neft eksport qiluvchi davlatlar tashkilotining (OPEK) 13 ta a’zosi, shuningdek, 10 ta hamkor davlat, jumladan, Rossiya kiradi.