Qozog‘istonda pasporti olib qo‘yilgan fuqarolarga hujjati va oylik maoshlari berildi

Fuqarolar haq-huquqlarini tiklash maqsadida Turkiston politsiya departamenti migratsiya xizmatiga xabar berilgan va fuqarolar pasporti, ish haqi olib berilgan va vatanga qaytishda ko‘maklashilgan.

Foto: Migratsiya agentligi

Qoraqalpog‘istonlik fuqarolar N.M. va F.N. joriy yil aprel oyida Qozog‘istonga ishlash uchun borgan.

Migratsiya agentligi xabariga ko‘ra, ularning pasportlari ish beruvchi tomonidan olib qo‘yilib, ish haqi hisob-kitob qilinmagan.

Mazkur murojaat Tashqi mehnat migratsiyasi agentligi Chimkent shahridagi vakili tomonidan o‘rganilganda, fuqarolar noqonuniy mehnat faoliyati bilan shug‘ullangani, ish beruvchi bilan mehnat shartnomasi tuzmagani sababli muammo yuzaga kelgani aniqlangan.

Fuqarolar haq-huquqlarini tiklash maqsadida Turkiston viloyati politsiya departamenti migratsiya xizmatiga xabar berilgan va fuqarolar pasporti, ish haqi olib berilgan va vatanga qaytishda ko‘maklashilgan.