Birlashgan Arab Amirliklarida xizmat safarida bo‘lib turgan TDIU delegatsiyasi turizmni rivojlantirish bo‘yicha memorandum imzoladi.
Joriy yil 16 sentabr kuni O‘zbekistonning BAAdagi elchixonasi amaliy ko‘magida universitet BAAning nufuzli CROWN PLAZA Dunai Marina mehmonxonalar guruhi boshqaruv kompaniyasi bilan hamkorlik memorandumi imzoladi. Unga ko‘ra TDIUning Turizm fakulteti talabalaridan 10 nafari har yili Dubayning besh yulduzli mehmonxonalarida amaliyot o‘tashlariga kelishildi.
Shuningdek, uchrashuv davomida Amazon va boshqa online savdo tarmoqlarida besseller bo‘lgan "Be the Cange in the Hospitality industry" nomli kitobning taqdimoti o‘tkazildi. TDIU Turizm fakulteti talabalarini tayyorlashda qo‘shimcha adabiyot sifatida foydalanish maqsadida kitob muallifi Rixsiboy Tursunov bilan kitobni o‘zbek tiliga tarjima qilishga kelishib olindi.
Ikki tomonlama hamkorlikni yanada kengaytirish bo‘yicha muzokaralar davom ettirilmoqda.
Telegram: tsueuzofficial
Facebook: tsue.uz
Instagram: tsue_uz
Veb sayt: tsue.uz
Reklama huquqi asosida
