Ta’lim berishda o‘ziga xos yangi standartlarni o‘rnatgan Toshkent Davlat Iqtisodiyot Universiteti (TDIU) nufuzli QS Stars xalqaro reytingida faxrli 5 yulduzni qo‘lga kiritdi.
Ushbu tarixiy yutuqni TDIU O‘zbekistonda birinchilardan, Markaziy Osiyodagi OTMlar orasida esa ikkinchi bo‘lib qo‘lga kiritdi.
TDIUning akademik mukammallikka, ilg‘or tadqiqotlarga va talabalarga yo‘naltirilgan yondashuvlarga bo‘lgan tinimsiz sadoqati uni global ta’limning birinchi qatoriga olib chiqdi. Universitetning yuqori darajadagi ta’limni ta’minlash va o‘sish uchun qulay muhitni yaratishga qaratilgan sa’y-harakatlari QS Stars reytingida alohida e’tirof etildi va uning oliy ta’lim sohasidagi sifat mayog‘i bo‘lib universitet mavqeyini yanada mustahkamladi.
TDIUning QS Stars xalqaro reytingida 5 yulduzga ega bo‘lishi nafaqat universitet, balki butun respublika uchun misli ko‘rilmagan yutuqdir. O‘zbekistonda ushbu nufuzli unvonga birinchi bo‘lib sazovor bo‘lgan TDIU o‘z mavqeini ta’lim sohasida haqiqiy yetakchi sifatida mustahkamladi. Qolaversa, Markaziy Osiyoda bu muvaffaqiyatga erishgan ikkinchi universitet bo‘lishi universitetning xalqaro standartlarga sodiqligi va global raqobatbardoshlikka intilishidan dalolat beradi.
QS Stars reytingi keng qamrovli va jahon miqyosida e’tirof etilgan baholash tizimi bo‘lib, u turli sohalardagi universitetlarni ularning faoliyati haqida umumiy tasavvurni taqdim etish uchun baholaydi. U universitetlarni bir necha muhim yo‘nalishlar, jumladan, o‘qitish sifati, ishga joylashish, tadqiqot, xalqarolashtirish, qulayliklar, innovatsiyalar, inklyuzivlik va boshqalar asosida baholaydi. Reyting tizimi universitetning kuchli tomonlarini yaxlit ko‘rish imkonini beradi va shu bilan birga, bo‘lajak talabalar, tadqiqotchilar va akademik hamkorlarga uzoq muddatli va ishonchli hamkor sifatida tan olinishiga zamin yaratib, strategik hamkor sifatida qaray boshlashiga asos bo‘ladi.
TDIUga berilgan 5 yulduz universitetning ushbu toifalar bo‘yicha ajoyib faoliyatini aks ettiradi va o‘z faoliyatining barcha jabhalarida mukammallikka intilishini namoyish etadi. TDIU QS Stars reytingi tomonidan baholangan barcha jihatlar bo‘yicha, eng ilg‘or tadqiqot tashabbuslaridan tortib innovatsion o‘qitish metodologiyalari orqali jahonning top-1000 lik ro‘yxatiga tobora yaqinlashib borayotganidan dalolat beradi.
Reklama huquqi asosida
