Saudiya kompaniyasi O‘zbekistonda qayta tiklanadigan energiya sohasida yangi investitsiya dasturini amalga oshiradi

Uchrashuvda ikki davlat o‘rtasidagi investitsiyaviy hamkorlikni rivojlantirish istiqbollari yuzasidan fikr almashildi. O‘zbekistondagi 5 ta loyihasi umumiy qiymati 4 milliard dollardan ortiq va umumiy quvvati 4,1 GVtdan ko‘proq bo‘lgan ACWA Power kompaniyasi bilan o‘zaro hamkorlik natijalarini yuqori baholab, tomonlar loyihalarni jadallashtirishga va qayta tiklanadigan energiya manbalari salohiyatini oshirishga qaratilgan yangi investitsiya dasturini amalga oshirishga kelishib oldi.

Sabic, Dr. Sulaiman Al-Habib Medical Group, Al Rajhi International, Ajlan & Bros, Al Hokair Group, Jamjoom Pharma va boshqa kompaniyalar bilan kimyo sanoati, tibbiyot va farmatsevtika sanoati, qishloq xo‘jaligi va chakana savdoda loyihalarni amalga oshirish holati tahlil qilindi. Mavjud kelishuvlarni faol amalga oshirish bo‘yicha sa’y-harakatlarni kuchaytirishga o‘zaro tayyorlik bildirildi.