YeXHT O‘zbekiston maxsus xizmatlari uchun kriptovaluta va darknet bo‘yicha o‘quv kurslarini boshladi

YeXHTning bu tashabbusi «Markaziy Osiyoda kiberjinoyatga qarshi kurashish bo‘yicha salohiyatni kuchaytirish» budjetdan tashqari loyihasi doirasida amalga oshirilgan.

AQSh, Germaniya va Janubiy Koreya tomonidan moliyalashtirilgan milliy o‘quv tadbirlari butun mintaqa bo‘ylab 2022 va 2023-yillar mobaynida o‘tkaziladi. Ilk tinglovchi vakillar Toshkent shahridagi huquqni muhofaza qiluvchi organlar: Bosh prokuratura, Ichki ishlar vazirligi va Davlat xavfsizlik xizmati xodimlari bo‘lishdi, deb yozadi bits.media.

O‘quv kurslari Kiberjinoyatga qarshi kurashish sohasida Yevropa ta’lim guruhi tomonidan ishlab chiqilgan materiallarga asoslangan. Uning tinglovchilari tarmoqlararo hamjihat harakat, anonimlik va shifrlash, kriptovalutalar xususiyatlari va jihatlari, darknet va Tor tarmoqlarining dasturiy ta’minoti uslublari sohasidagi asosiy konsepsiyalar va bosh tendensiyalar haqida bilib olishdi. Ular shuningdek, kriptovaluta operatsiyalarini bloklash uslublari va yondashuvlari, blokcheyn va darknetda qidiruv tadbirlarini tahlil qilishni o‘rganishgan.

O‘zbekiston kriptovaluta sohasini tartibga solish va nazorat qilish bo‘yicha qat’iy pozitsiyaga ega. 2022 yil o‘rtasida O‘zbekiston istiqbolli loyihalar milliy agentligi (ILMA) mamlakatda ishlash litsenziyasi bo‘lmagani uchun yirik kriptovalutalar birjasiga ulanish bloklanishi haqida ma’lum qilgan edi.