Foto: Sirdaryoda portlashdan jabrlanganlar uchun oyna va shiferlar yetkazildi

Sirdaryodagi portlashdan zarar ko‘rgan turar va noturar joy binolariga 10 ming kvadrat oyna va 4,5 ming listdan ortiq shifer yetkazildi.

Hozirgacha zararlangan obektlarning yarmidan ko‘pi to‘liq ta’mirlab bo‘lindi.

22 oktyabr kuni Sirdaryo viloyatida yuz bergan portlash oqibatida bir qator ijtimoiy soha obektlari va aholi turar joylariga zarar yetgan edi.

O‘tgan bir sutka ichida mutasaddilar tomonidan voqeadan jabr ko‘rgan mahallalar va ijtimoiy obektlarni ta’mirlash uchun barcha materiallar yetkazib berildi.

Hozirga qadar barcha 10 ta mahalladagi xonadonlarga va 38 ta ijtimoiy obektlarga 10 ming kvadrat oyna va 4,5 ming listdan ortiq shifer yetkazildi. Ziyon yetgan binolarning yarmidan ortig‘i to‘liq ta’mirlandi.

Tayyorlagan: Азиз Қаршиев

#portlash #Sirdaryo tumani