Qoʻshimcha funksionallar
-
Tungi ko‘rinish
Vladimir Norov YeXHT bosh kotibi bilan uchrashdi
O‘zbekiston tashqi ishlar vaziri Vladimir Norov mamlakatga bir qator yirik xalqaro tadbirlarda ishtirok etish uchun tashrif buyurgan Yevropada xavfsizlik va hamkorlik tashkiloti bosh kotibi Helga Shmid bilan uchrashdi.
Foto: Dunyo
Uchrashuvda O‘zbekiston va YeXHT o‘rtasidagi hamkorlik keng ko‘lamli masalalari muhokama qilindi. Qayd etilganidek, 2021-2022 yillarda O‘zbekistonda YeXHT loyihalarini amalga oshirish bo‘yicha 2021 yil aprel oyida qabul qilingan amaliy chora-tadbirlar rejasini (yo‘l xaritasi) amalga oshirish yuzasidan fikr almashildi.
Tashkilot faoliyati barcha uch yo‘nalishi bo‘yicha turli yo‘nalishlarda yangi qo‘shma loyihalarni ishlab chiqish masalalari muhokama qilindi. O‘zbekiston tashqi ishlar vaziri YeXHT delegatsiyasini O‘zbekiston mintaqaviy siyosati, Markaziy Osiyoni xavfsizlik, barqarorlik va izchil taraqqiyot mintaqasiga aylantirish, jahon iqtisodiy va transport aloqalariga integratsiyalashuvi haqida batafsil ma’lumot berdi.
Ekologiya va atrof-muhitni muhofaza qilish sohasidagi hamkorlikni faollashtirish, iqlim o‘zgarishi bilan bog‘liq xavfsizlik xavf-xatarlariga javob choralarini kuchaytirish, tabiiy resurslardan foydalanish, Orol dengizi ekologik halokatini bartaraf etishga alohida e’tibor qaratildi.
Mavzuga oid
13:01 / 25.07.2025
YeXHT davlatlari ukrainlarning RFda qiynoqqa solingani yuzasidan tergov o‘tkazishni talab qildi
09:54 / 23.07.2025
Yerevan Boku bilan YeXHT Minsk guruhini tarqatib yuborish shartini muhokama qilmoqda
20:20 / 08.04.2025
“Yakkalangan davlat bo‘lmasligimiz kerak” – YeXHT Parlament assambleyasi prezidenti
09:21 / 18.01.2025