O‘zbekiston eng ko‘p banan import qilgan davlatlar orasida Ekvador 1-o‘rinni egalladi 

2022 yilning yanvar-oktabr oylarida O‘zbekistonga 112,3 ming tonna banan import qilingan. 

Davlat statistika qo‘mitasi ma’lumotlariga ko‘ra, banan importi hajmi o‘tgan yilning mos davri bilan solishtirilganda 53,2 ming tonnaga oshgan.

2022 yilning 10 oyida O‘zbekiston eng ko‘p banan import qilgan davlatlar orasida Ekvador birinchi o‘rinni egallab turibdi – 111,4 ming tonna.

Ushbu ko‘rsatkich qolgan davlatlar kesimida quyidagicha ko‘rinish oldi:

• Qozog‘iston – 426 tonna;
• Turkiya – 197 tonna;
• Hindiston – 144 tonna;
• Qirg‘iziston – 99 tonna.