Агробанк Ўзбекистонда муносиб иш берувчиларни маҳаллий, давлат ва халқаро тоифаларда аниқлаш мақсадида ўтказиладиган “DaVinchi мукофоти- 2022” танловида “Энг яхши ўқув маркази” номинацияси бўйича ғолиб бўлди.
Фото: Агробанк
25 ноябр куни Тошкентда “Davinchi Management Consulting” компанияси томонидан HR соҳасида Ўзбекистонда муносиб иш берувчиларни маҳаллий, давлат ва халқаро тоифаларда аниқлаш мақсадида ўтказиладиган “DaVinchi мукофоти- 2022” танловининг тақдирлаш маросими бўлиб ўтди.
Танловда Агробанк томонидан олиб борилаётган трансформация жараёнлари эътироф этилди. Жумладан, банкни трансформация жараёнида хорижий нуфузли компаниялар билан биргаликда таваккалчиликларни бошқариш тизими, скоринг моделининг дастлабки босқичи йўлга қўйилган эди.
Банк фаолиятида трансформация ҳамда HR йўналишидаги амалий ишлари мазкур йўналишда юқори баҳоланиб, “Энг яхши ўқув маркази” номинацияси бўйича ғолиб бўлди.
“Агробанк” АТБ Матбуот хизматиⓉ
