Ўзбекистон ташқи сиёсат идораси раҳбари Маргарита Седерфельтни жорий йил июль ойида ассамблея раиси лавозимига қайта сайлангани билан табриклади. Олий Мажлис палаталари ва ЕХҲТ ПА ўртасидаги ўзаро ҳамкорликни кенгайтириш масалалари муҳокама қилинди.
Владимир Норов ЕХҲТ парламент ассамблеяси раисига Ўзбекистонда амалга оширилаётган, жамият ҳаёти деярли барча жабҳаларини қамраб олган демократик ислоҳотлар ҳақида маълумот берди. Янги Ўзбекистонни ривожлантириш стратегияси асосий мақсадларидан бири мамлакатда амалга оширилаётган ислоҳотларни изчил давом эттиришда Олий Мажлис палаталари ва сиёсий партиялар ролини янада оширишдан иборат.
2023 йилда Ўзбекистонда ЕХҲТ ПА кузги сессиясини ўтказиш билан боғлиқ ташкилий масалалар юзасидан фикр алмашилди. Учрашувда айрим халқаро ва минтақавий масалалар ҳам кўриб чиқилди.
