SSVdan “no comment”. Onkokasalxonalar sotib yuborilayotganiga mas’ullar izoh bera olmadi

Toshkentdagi 3ta onkoloik kasalxonaning sotuvga qo‘yilgani e’tirozlarga sabab bo‘ldi, qaror qayta ko‘rib chiqiladimi? Nega bu haqdagi hukumat qarori yashirilgan? Kun.uz muxbirining bu savoliga Sog‘liqni saqlash vazirligi rasmiylari javob bera olmasligini bildirdi.

{Yii::t(}

O'tkazib yuborish 6s

“Bu borada jarayonlar ketyapti. Bu o‘zingiz aytganingizdek murakkab jarayon. Shuning uchun bu borada muhokamalar ketyapti. Bu savolga javob berishga biz bugun tayyor emasmiz. Aniq javob berishga hozir imkoniyatimiz yo‘q”, – dedi vazir o‘rinbosari Elmira Bositxonova bugun, 9 dekabr kuni bo‘lib o‘tgan matbuot anjumanida.

Eslatib o‘tamiz, O‘zbekiston hukumati Respublika onkologiya markazi hamda uning Toshkent shahar va Toshkent viloyati filiallari yeri va binolarini sotib yuborishga qaror qilgan. Lekin bu qarorlar hech qayerda ochiq e’lon qilinmagan.

Jamoatchilik bu haqda auksionlar to‘g‘risidagi e’lonlardan bilib qolgach, jiddiy e’tirozlar paydo bo‘lgandi.

#Toshkent #onkologiya #SSV